Dapi ils 8 da settember 2017 ein las portas dalla stanza da giuvenils Mac Laren’s aviartas sut la nova menadra Laura Coray. Dapi il schaner 2018 ha ella survegniu sustegn da Livia Capaul.

Quei onn da scola havein nus saviu organisar entginas occurenzas sco per exempel in „Pizzaplausch“ fin october tier il motto „Haloween“. Avon nadal havein nus organisau in „Tschuttiturnier“ per ils giuvenils e la davosa sera festivau empau nadal cun far il „Wichteln“.

Egl onn niev era la stanza da giuvenils aviarta sco usitau mintgamai il venderdis naven dallas 19:00 uras entochen las 22:00 uras.

Cuort avon pastgas havein nus survegniu l’incumbensa da rumegiar la Jugi cunquei che las lavurs per la garascha han entschiet cuort suenter. Nus havein fatg in plan cun occurenzas per mintga segunda sonda. Nus essan ir a dar bowling. Entginas jamnas pli tard havein nus survegniu igl okay da far diever dalla habitaziun veglia dil pedel sco provisorium. Leu havein nus aunc tegniu giu il Bal dil Mac Laren’s. Era l’emprema part digl proxim onn da scola vegnin nus a passentar ella habitaziun. Nus serrein giu igl onn da scola cun ina grillada sper il lag ils 23 da zercladur 2018.